火烧南生围令黄夏蕙愤怒了　扬言下次再烧就剥衫影写真以示抗议

南生围是香港难得的大自然宝藏，早前却疑遭纵火令到大范围被烧毁，实在令人痛心疾首，黄夏蕙近日更有感而发，仲嬲到话：“下次再烧，我就实行让半球或者唔著衫咁影，实行抗议呀！”先唔好讲有无人想睇夏蕙姨的性感写真，但她老人家宁愿牺牲自己色相都要阻止人再破坏南生围，就知她有几咁爱惜呢个地方，正如她所说：“可怜下我Lee个老人家，唔好再搞南生围，俾香港后花园Lee个美誉流传落去啦。求求你，你不懂的！”唔好再搞南生围，亦都唔好劳烦夏蕙姨喇，要她几十岁人仲抛个身出嚟，真系叫人情何以堪呀。

夏蕙姨日前特地去了南生围亲亲大自然，打卡影靓相同品尝地道美食，她还将相上载到facebook并写了篇长文抒发自己的感想，字里行间都feel到她对南生围嘅爱，全文内容如下：

“南生围系香港仅存既宁静地方，谂番旧阵时拍电影个阵，武打片就去城门水塘；拍爱情片就一定系南生围。而佢地最出名既食物就系《咸鸡》，今日仲系农庄里撞到个中学小师妹；环境宁静到您可以无拘无束咁同大自然同呼吸一口空气。同一个地方有好多个景点，俾大家玩足一日，仲可以学晓如何尊重大自然既态度。野火烧不尽，希望住后日子能够春风吹又生。唉！要地方起楼，香港仲有大把可以拣，何必要搞Lee度啦？今次就著住衫影写真，下次再烧，我就实行让半球或者唔著衫咁影，实行抗议呀！可怜下我Lee个老人家，唔好再搞南生围，俾香港后花园Lee个美誉流传落去啦。求求你，你不懂的！”