TVB打女何佩珉法国接受求婚　男友古堡外单膝跪网友赞Sweet

2011年无线节目《功夫新星》冠军何佩珉（Mandy）做准人妻喇！睇得又打得嘅佢先后喺《溏心风暴3》、《使徒行者2》同《亲亲我好妈》中演出，亦都喺电影《辣警霸王花》担当重要角色，而戏外佢就同圈外工程师男友拍拖两年，兼一早见哂双方家长，感情非常稳定。寻晚半夜，正于英法两国旅行嘅佢就喺网上Po出多张相片，包括男友单膝跪地求婚同埋佢自己中指戴上钻戒嘅相。喺法国香波尔城堡（Château de Chambord）接受男友求婚嘅佢就相当开心，仲留言话：“Yes, I do!!!”好多网友都戥佢高兴，都纷纷留言话恭喜哂。