【开心速递】阮政峰林凯恩真系拍拖？　男友护爱苗：佢系好女仔　

无线处境剧《爱‧回家之开心速递》入面有好多对CP，唔止男女仲有男男，睇得大家好开心，当然这些只系拍剧效果。不过都有几对疑幻似真，观众同网民亦不时估他们到底会否戏假情真，例如池子孝 (阮政峰饰) 同红衫鱼 (苏韵姿饰) 呢对，以及金城安 (周嘉洛饰) 同Bonnie (林凯恩饰) 呢对喇。而他们的IG也有大量同剧中另一半的合照，真系好Sweet㗎。近日就有报道指阮政峰 (Hero) 同苏韵姿其实只是烟幕，周嘉洛同林凯恩 (Iris) 亦非一对，真正拍拖的原来是Hero同Iris。

既然有呢个传闻，梗系要问下两位当事人啦，问到Hero是否正跟Iris拍拖，他答得好小心翼翼咁话：“呢个问题就要问佢 (Iris) 喇，问佢啦，要睇下佢点样，我唔可以作准嘅。”非常之保护Iris㖞。虽然他没有亲口承认拍拖，但就坦言Iris是他喜欢的类型，是理想女朋友，Hero表示：“佢系好女仔嚟，我哋识好耐，想要多啲时间了解下大家。(发展紧？) 喺唔影响对方工作嘅前题下，咁我哋各自有任务，要唔影响到剧组同拍摄。”

他谓两人好少单独约会，多是成班朋友一起聚会，因他们都好钟意热闹，又强调现阶段要为事业拼搏，想做到成绩先：“我份人好难一心二用，所以想有事业先，而且拍拖系为长远目标，都想有能力照顾另一半。”

而Iris听到Hero这样回应，就甜笑表示：“了解下先啦，有无发展机会好难讲，我哋不嬲成班朋友一齐玩，周围去影相，咁我哋都好倾得埋，再熟落下先啦。”她笑言如果两人单独约会会好尴尬，又与Hero口径一致话好钟意热闹，两个果然好夹呀。仲有一样好夹的就是Iris同样说要以事业为先：“成班一齐都好开心，唔系净系拍拖先开心，暂时唔谂拍拖住，畀空间我哋啦。”