【逆缘】陈家乐靓仔大只十足彭于晏　入行15年网友称一直睇漏眼

TVB剧集《逆缘》开播，已经引起唔少话题，当中以相隔十年再次效力无线拍剧嘅陈家乐最多人讨论。有网民于讨论区开PO，指陈家乐“都几正，几靓仔仲几结实!”，网民还指自己一直睇漏眼，大赞TVB今次揾陈家乐加盟系明智之举。

陈家乐于《逆缘》中饰演饰演一个1940年代嘅人，名为钟定国，与同为游击队成员嘅贾绰（陈山聪饰）经过急冻雪藏后在2018年被解冻并苏醒，系姜大卫嘅父亲同黎耀祥嘅爷爷，面对两个演艺界资深前辈，家乐的压力不小呢！

话陈家乐靓仔，相信无乜人有异议，有网民仲话因为佢靓仔所以会追剧，果然有颜值有收视。但论演技，网民嘅反应就出现两极。有支持者大赞家乐演技好，并话真心觉得佢他日有机会踏上视帝之路添；但亦有网民觉得家乐嘅演技强差人意，进步空间比较大。

由于家乐之前都系拍电影居多，虽然有喺HKTV同港台分别都有参与过唔少剧集演出，但毕竟唔够入屋，令到网民觉得佢仲系新人，好似发现新大陆咁。其实家乐2003年参加歌唱比赛入行，至今已经15年，不过佢今年只系31岁，个样又Keep到，难怪啲人觉得佢似新人嘅。