陈康健赤柱玩Busking唱侧田名曲　原唱都忍唔住畀Like Jam两咀

虽然侧田好作得好唱得，但系一班香港粉丝都真系饿咗一排，因为佢今年仲未出新曲。唔紧要，想听佢唱歌嘅朋友除咗可以上网睇旧片外，佢喺半夜都贴咗一段抱住爱犬，喺赤柱睇Busking嘅片段。原来系有街头歌手唱侧田主唱嘅《三十日》，咦，再望望𠮶个街头歌手，原来系《超级巨声》出身嘅陈康健嚟！见到陈康健唱得咁好，侧田忍唔住举高姆指，仲听到好技痒，忍唔住行过去唱返两句：“由这一分钟我一生就只有你～”好多网友都劲赞话两日合唱听到起鸡皮，又话结他版嘅《三十日》好正，亦有好多人赞陈康健真系唱得好好，唔知真系一开始以为真系原唱者唱紧。