【1+1的深情】杨证桦沈可欣乐做甘草夫妻　补求婚令太太感动爆喊

当两个人爱到携手迈向人生新阶段，追求嘅唔再系惊天动地，有时平淡过每一日，见到对方已经非常幸福。杨证桦沈可欣两夫妇喺TVB演戏多年，相知相许十数载，育有一个囝囝，依家嘅生活一切以小朋友行先。日前佢地现身由田蕊妮主持嘅《1+1的深情》担任嘉宾时，杨证桦趁机会CALL齐好朋友，为太太送上惊喜：“喺嚟紧嘅日子我会用尽我嘅能力，守謢你保护你爱护你。”边个话婚后一定浪漫不再？

杨证桦沈可欣演聋哑日练10小时　冇谂过放弃：演员系我终身职业

节目入面杨证桦笑言以前曾经有三十几个女朋友，当佢遇上沈可欣时，就知道佢系对的人，要好好珍惜：“阿沈性格好师奶仔，因为我结婚前系拚命向前冲嘅人，佢会行半个钟为咗一包尿片平一蚊，呢啲咪好老婆啰。”两公婆曾经喺《踩过界》其中一个单元，饰演一对聋哑夫妻，现实生活中全副心机放喺囝囝身上，佢地忆述小朋友病重时仲犹有如悸：“囝囝岁半时试过发烧发成日，揸车去医院时老婆喺后座大嗌 阿仔抽筋呀，拧转面一望太太已经喊晒，囝囝仲无咗知觉，好惊佢就咁离开。”

当年佢地先注册再补摆喜酒，沈可欣喺节目中笑住投诉开席前兄弟团全部已经饮醉，求婚亦无咩仪式，只系睇睇下电视好似闲聊一样：“不如结婚啰﹗”原来杨证桦一直记住呢个遗憾，好希望为太太补上一个隆重嘅求婚仪式，趁住呢次节目佢终于实行啦﹗揾齐当年兄弟姐妹团，BOOK埋沈可欣曾经讲过希望坐嘅直升机，夹埋节目组台前幕后，为太太送上惊喜。

【情人节】袁文杰拍拖七年霸气第一次送花　女友张洁莲感动到喊【黄昏恋】吴香伦幸福含泪拍婚照　陈荣峻：继续做你嘅人肉闹钟

田蕊妮载住蒙眼嘅沈可欣去到直升机场，重见天日一刻，见到杨证桦著上全套白马王子西装，拎住鲜花同戒指下跪讲出爱的宣言：“老婆，虽然我地结咗婚有咗小朋友，我地注册、补摆喜酒，但当中有啲过程miss咗，miss咗一个隆重嘅求婚仪式。今日，我带咗你最好嘅姐妹，我最好嘅兄弟一齐过嚟，同埋我地幻想过嘅求婚仪式，直升机。喺嚟紧嘅日子我会用尽我嘅能力，守謢你保护你爱护你同囝囝。”

每个女仔都渴望可以喺家人好友见证下，将下半生交托俾至爱，见到老公婚后依旧肯为自己花心机时间，去筹备咁大型嘅惊喜，沈可欣嘅眼泪早已经夺眶而出：“我乱讲架咋，真系有直升机。我觉得最surprise系你点解可以揾晒佢地嚟架﹗”两个人情深一吻，踏上直升机欣赏最美嘅风景。虽然佢地喺戏入面经常饰演配角，但喺对方心目中，已经系最无可取替、生命中最重要嘅主角。