【逆缘】翟威廉唔介意周奕玮上位：佢早过我去日本
撰文： 黄梓恒
出版：更新：
翟威廉出席《逆缘》的宣传活动，在剧中饰演力追林夏薇的兵仔，追女仔最紧要系咩？靓仔啰！咁翟威廉其实已经好合格，咁仲需要啲咩呢？有啲女仔需要男士有上进心，学多啲嘢绝对上进！在现实中，翟威廉便是一个相当好学的人，不过近来却没有时间再为自己增值，接受《香港01》访问时他说：“无喇，而家要专搞网络，无时间喇，不过关于一啲网络上直播嘅IT嘢都会学吓，用多咗时间去营运，无乜机会学嘢喇。以前唔使去营运嘅时候，拍完剧都会多啲时间学吓新嘢，例如语文、乐器或者读吓书。”
人人都知他主力在Big Big Channel搞Happy Live，经常有一班艺人自己组队打bnad唱歌，其实还有其他环节，他说：“打机都有，不过唱歌行先喇，打机系想令到自己多元化啲，因为网络世界始终都要多方面。如果我而家搞Live唱歌要请嘉宾嚟玩，但可以请嘅人就限制咗，只可以揾识唱歌嘅人，我又想揾多啲人玩，所以就开埋打机Live喇，两方面已经够喇，可能之后会开埋啲教学嘢，例如日文咁。”
讲起日文，早前周奕玮帮TVB拍摄了《周游东京》立即便爆红，威廉会否想过自己其实也可以担当主持呢？他表示：“唔紧要，无所谓，都系咁做，同埋周奕玮都系我师兄，佢早过我去日本读书，即使年纪都系我前辈嚟㗎。”除了日本通，其实同样是港男冠军的袁伟豪、许家杰等都开始有重戏份担正，但威廉认为每个人都会有不同路线，大家都是朋友，人人都有不同的机遇，尽力做好自己。