黄宗泽亲自下厨煮西餐劲有功架 下一步系挑战谢霆锋？
撰文： 冼燕珊
出版：更新：
识煮嘢食嘅男人特别Man！圈中有不唔少男神擅长煮嘢食，黄大厨黄宗泽(Bosco)就系其中一个。Bosco间唔中都会喺社交平台上载佢下厨嘅风采，日前佢为咗朋友生日，再次亲自下厨，仲大赞自己发挥专业水准，非常有自信。Bosco煮咗六道菜，仲好有心机咁整埋Menu，有齐前菜、沙律同主菜，系争个甜品姐。
这六道菜包括樱花木烟熏北极甜虾、香草白酒煮大蚬、波式沙律、黑椒牛油波士顿龙虾、红酒蕃茄炖牛腿肉，同炒意粉。其中一张相系Bosco整紧烟熏虾，功架十足，非常专业！原来Bosco早年曾经喺契妈开嘅大牌档跟师傅学过厨，难怪表现咁专业！睇嚟Bosco都可以同Chef Lemon谢霆锋一较高下㖞，唔少网友仲话期待佢迟啲开返个饮食节目添！