袁伟豪入行廿年曾经挨过唔少日子：最坏打算系转行做搬运工人

袁伟豪 (Benjamin) 今日出席担正做男一的无线剧集《三个女人一个“因”》宣传活动，在台上玩游戏时分别展现出大男人和小男人的一面，他表示自己在现实生活中也同样有着这两种个性：“随住年纪增长，自己亦都由大男人变得小男人，以前年少气盛，加上我系金牛座好固执，好讲原则。其实最紧要识得将心比心，大男人小男人都无所谓。”他对住女朋友当然都有小男人的时候，不过却是由他话事为多。

Ben近年备受TVB力捧，他坦言对于自己今日有呢个成绩觉得好感恩，入行20年，事业路上并非一帆风顺的他，也曾经挨过唔少日子。他说：“我97年入，07年加入TVB，咁多年嚟都好醉心呢一行，好钟意演戏，但当时并无明确嘅机会同目标。有谂过最坏嘅打算系去做搬运工人，跟啲朋友去果栏搬嘢，因为𠮶时好得闲，唔系日日有工开，无固定收入，做吓特约演员，又帮过B哥哥 (钟镇涛) 做乐队音乐嘅嘢，出粮系出日薪。”

他以前每日出粮收到票就会交给爸爸帮他储起来，到他要用钱时再问爸爸拎，他至今依然好多谢爸爸。虽然家人好支持他，但当年见他发展一直未如理想，都有叫过他考虑转行：“25岁系一个关口，我好多屋企人当时都同我讲过话过多一、两年仲系咁嘅话，就要做啲踏实啲工作。我好幸运，到咗26岁加入咗TVB，𠮶年系我重新上路。我依家系将自己咁耐以嚟学到嘅嘢都运用晒出嚟，有时做嘢都会有脾气，会有自己坚持，但只系想为件事好。”Ben又指自己以前性格好沉实实干，好少讲嘢，但现在都可以演一些好kai的角色：“做演员就要豁出去，要抓紧每个机会去演好个角色，投入去玩去享受。”