范冰冰《巴清传》疑因高云翔禁播 亚视斥资2千万贴钱中伏
撰文： 陈栢宇
出版：更新：
范冰冰主演嘅古装剧《巴清传》本身已经因为收到好多话佢乱改历史嘅投诉，所以一直都唔知几时可以正式出街，而最近男主角高云翔仲因为喺澳大利亚涉嫌性侵一名女子而遭当地警方拘留，因而搞到剧集禁播嘅消息不绝，令成个情况雪上加霜。唔好以为得范冰冰畀高云翔累咗，其实近在香港都有受害者，而呢个受害者就系复活冇耐嘅亚洲电视。
亚视重新开台嘅时候就大肆宣传各大节目，包括陈志云主持嘅《百万富翁2018》、直播节目《今晚见》等，但始终唔够亚视以天价购入《巴清传》香港独家播映权呢件事瞩目，更有指亚视不惜斥资2000万去购入呢个版权。所以，今次传出《巴清传》因高云翔而禁播嘅消息，亚视可以话系中咗个大伏。
亚视外事部总监曾醒明接受《香港01》访问时就咁讲嘅：“亚视系买咗《巴清传》嘅香港独家播映权，但个合约都系订明咗香港同内地系同步播映，所以一切都要等内地有关单位公布，以佢哋嘅决定为准。”至于系唔系2000万就咁冻过水，佢就话冇回应喇。咁系唔系代表住亚视住咗得个等字，就冇嘢可以做到？相信大家都有个答案。