姜皓文金像奖双料入围唔紧张：我系怕拎唔到奖令大家失望多啲
撰文： 李妍桦
出版：更新：
嚟紧4月15号就系金像奖颁奖典礼嘅大日子，上年姜皓文凭《树大招风》入围男配角奖，可惜最终未奖项就被曾志伟抱走，观众们都替黑仔不值，觉得香港电影欠姜皓文一个奖。今年黑仔《拆弹专家》、《大乐师· 为爱配乐》双料入围，睇嚟今次是时候了，但佢自己就唔多紧张：“冇啊，我连衫都未准备好，但都好多谢大家支持，好多人都畀好多鼓励我，有次我行喺街有个的士司机冇啦啦摇低个窗，佢举起只手指公赞我叻仔啊你，所以我系怕拎唔到奖令大家失望多啲。”
上年颁奖礼讲到黑仔两年拍26套戏，对电影业有莫大供献，所以黑仔系忙到连紧张嘅时间都冇，黑仔本人亲证：“真系好忙，我系睇日历先知，咦，原来15号系颁奖礼喇，我过几日都仲要去泰国拍嘢，之后下个月又有新戏开。”唔单止电影，嚟紧黑仔仲会捞埋电视，仲要系同TVB合作，ATV出身嘅黑仔觉得好新鲜：“我嚟紧会同TVB合作，仲有大陆𠮶面一齐合拍，系警匪片嚟，好多A记嘅人都有去TVB拍剧，未拍㗎，嚟紧4月尾会有公布。”