古巨基手汗当手霜擦匀老婆只手　老婆Lorraine：几好吖唔核突

古巨基早前上Big Big Channel接受主持许文轩访问，讲起第一次拖女仔嘅经验，话题就自然落咗去基仔出名澎湃嘅手汗问题度，佢仲分享呢方面同老婆相处嘅恶心画面添！
 

古巨基大爆TVB第一份粮得＄3500 许文轩：我多你一倍

许文轩问到基仔第一次拖女仔手系几时，基仔谂咗好耐都答唔出，佢话：“因为我系畀女仔拖㗎嘛。”出名手汗多，许文轩忍唔住问：“咁拖你手，你只手会唔会劲湿㗎？”基仔答咗句梗系会之后，仲将手心伸向镜头话：“依家都会啦，呢啲遗传嘅无计。”许文轩续问个女仔有咩反应，基仔就霸气咁话：“如果爱我就爱我一切。（爱埋你啲手汗？）系，（哗，好Sweet呀，爱埋你啲手汗。）所有同我拍过拖嘅女朋友都已经习惯。”更指住镜头外嘅古太话佢当然唔例外啦。

基仔之系仲讲咗件同老婆相处嘅恶心事，“早两日，坐车嘅时候拖住（老婆），我啲手汗愈出愈多㖞，佢（古太）仍然都捉住我，咁我咪索性好似帮佢搽Cream咁帮搽匀成只手，跟住就问佢，系咪好核突呀？佢话：‘都唔系吖，都几好。’”听完真系想呕返头先Lunch啲米线出嚟，连许文轩都忍唔住话：“实在太恶心喇！”也许呢啲先系真爱。