【婚摄中伏记】影得差过李偲嫣 苦主：识韩文扮韩国摄影师？
撰文： 梁子健
出版：更新：
斋谂都谂到，影结婚相系一件苦差嚟，但婚姻系人生大事，正常嚟讲就一世人一次，所以辛苦都要影架喇，都系想留返个美好回忆啫。
不过，近日网上就疯传一对准新人影婚照嘅中伏经历，有几伏？据知就系帮衬咗标榜“韩式风格”婚摄公司，点知最后影出嚟啲相失焦、路人又多又抢镜、影到新人阴阳面，一边反光一边背光，更夸张嘅系准新人更怀疑摄影团队系识韩文嘅内地人假扮添。
为方便大家了解大致情况，不妨睇睇以下两张截图，系“受害者”即准新娘亲自开post讲述中伏经过。
“受害者”都唔系斋讲无证据架，仲有附带“出事”嘅婚照俾大家评评究竟系咪坚影得咁差。
+1
睇完上述几张所谓婚照，唔知大家又系咪同网民所讲一样，立即听到直升机嘅声音呢？“伏！伏！伏！伏！伏！伏！伏！”其实香港人要正面啲，唔好成日俾负面情绪影响，反正唔影都影咗，都系一个几难忘嘅回忆吖，只不过系“痛苦回忆”。
虽则涉事婚摄公司一直强调摆拍、连拍系韩式风格，希望影出新人的自然一面，又讲到明后期执相修图先系韩式婚摄风格的重点同精髓，不过莫讲话该对准新人，就连网民见到啲相嘅质素，都好怀疑后制执相可以有几靓。于是，有啲网民都算唔话得，自发帮呢辑出事婚照尽人士执吓佢。
后续故事就系准新娘质疑摄影师并非韩国人或来自韩国，于是向涉事婚摄公司提出诸如“提出摄影师全名、由韩来港的机票”等证明，不过与准新娘联络沟通的职员就似乎……都系自己睇截图再判断啦。
+1
BTW，李偲嫣BB同样都系5月出阁，但佢嘅婚照就好正，建议不妨向佢请教一下。