【VR驱魔人】吴浩康首演同性恋者 与小情人林耀声人鬼情未了
撰文： 陈栢宇
出版：更新：
ViuTV剧集《VR驱魔人》分开咗十个单元故事，而且每一个故事背后都系代表住一个社会议题，唔系纯粹一套搞笑嘅鬼鬼怪怪剧集咁简单，今个星期其中一个单元就会同观众讲一讲同性恋呢个话题。剧中，吴浩康（Deep）饰演嘅孝哥系一个心狠手辣嘅黑社会大佬，出名哂名有仇必报，但其实仍背后仲有个不可告人嘅秘密，虽然已经有一个靓靓老婆陈逸宁，但一直以来佢心入面最记挂，都系中学时期嘅小情人林耀声，而首次饰演同性恋者嘅吴浩康喺戏中更有同“Gay界男神”林耀声轻吻场面，都几突破下。
至于点解肯做一个咁嘅角色？Deep就话自己同剧集导演兼编剧兼演员嘅刘翁（Sunny）识咗十几年，对方邀请就第一时间应承：“同Sunny识咗十几年，佢又系著名摄影师，同佢合作肯定拍得靓，我系以剧本行先，加上班底又强，所以非常期待剧集出街。”剧情讲到Deep要醉住一面唱《爱后余生》，另一面思忆同性密友，吴浩康就话自己钟意音乐，所以可参与有关歌曲的幕后工作：“我可能做下电影配乐啦，而且我都钟意做演员，所以做埋其他岗位就未必会喇！早排先做完演唱会同几套剧，但呢行要感恩有工开，有嘢做嘅感觉系最好！”
从图片观看这个令人感动落泪的故事:
+8