汤洛雯细个钟意著裤似男仔 阿妈后生被赞似钟楚红
撰文： 冼燕珊
出版：更新：
汤洛雯(Roxanne)有个朵叫做“靓汤”，但原来小朋友时期嘅靓汤系一名男仔头。汤洛雯IG po咗几张童年照，其中一张系同妈咪嘅合照，相中嘅佢剪咗个“郭富城中间分界头”，戴住一黑超仔，摆出一个cool cool地嘅剔手势，成个男仔咁款，唔讲真系唔知佢就系依家嘅靓汤。
汤洛雯接受《香港01》嘅访问，笑言小时候真系好男仔：“细细个人人都以为我系男仔嚟，细个又唔钟意扮靓，又成日钟意著裤，所以我妈咪都怀疑系咪生曾咗，嘻嘻。”真系估唔到今日女神级嘅靓汤，细个系钟意著裤多过著裙，好在大大吓，终于变返个女仔，佢话系自从中五过咗去英国之后，先识得开始扮靓。
睇返靓汤妈咪，头戴帽加黑白冷衫，呢身装扮今时日著出街都唔Out，汤妈望落仲好有星味添，汤洛雯都话妈咪后生时好靓，“好多人话佢后生𠮶时似钟楚红，佢听到觉得唔好意思，因为佢觉得钟楚红好靓，其实我睇返啲相都觉得佢有啲似（钟楚红）。”爸爸系演员汤镇宗，叔叔系汤镇业，而妈妈又似钟楚红，难怪靓汤咁靓啦！