【冒险王卫斯理】张秀文做人质做足半季 想挑战宣萱王者地位？
撰文： 陈栢宇
出版：更新：
无线新剧《冒险王卫斯理》里面索女如云，不但有胡然、文凯玲、甄琪同邱意浓，仲有我哋好熟识嘅张秀文，而张秀文喺今日记者会里面亦非常性感，以白色低胸装亮相，撼赢其他女星。至于喺剧集里面会唔会有性感演出？张秀文就话冇乜：“呢啲剧情冇发生喺我身上，但系我成日畀人捉走！”咦？讲起做人质呢样嘢，宣萱永远都系喺领导地位，问会唔会有机会追过佢纪录？佢就咁答嘅：“第一季十二集里面有六集系畀家栋哥同华哥捉走咗，其实里面都有一幕系少少性感嘅，因为系讲家栋哥虐待我，啲衫会烂哂。”
提到倪匡嘅卫斯理小说系列，张秀文就话自己细细个已经系粉丝：“仲要系第一套睇嘅小说，当时邻居搬屋送咗本畀我，之后就喺公共图书馆系咁借其他嚟睇，睇咗成个系列嘅八、九成，所以依家可以参演一角好开心。”都真系估唔到张秀文系有文学少女底㖞，唔知佢仲有冇睇书嘅习惯呢？佢就咁答嘅：“读书时会比较多，成日去图书馆打趸，依家都会睇日本、香港嘅侦探小说。”
其他张秀文、胡然、文凯玲、甄琪同邱意浓嘅靓女相：
+20