昆凌网晒仔仔正面照似足老窦 周杰伦搞笑留言：从小就喂珍奶
撰文： 冼燕珊
出版：更新：
基因这回事真的很奇妙！周杰伦老婆昆凌日前于IG晒出9个月大儿子Romeo嘅正面照，虽然无露全面，被Cap帽挡住了大半张脸的Romeo，鼻仔同嘴仔都遗传咗老窦周杰伦，同佢BB𠮶时简直成个饼印咁。仲有Romeo用手仔捉帽边嘅手势都好似周董平时扮Cool嘅样，难怪连昆凌都忍唔住话：“Like father like son.”真系有其父必有其子。
周董亦都有留言，佢好鬼马咁话：“从小就喂珍奶。”众所周知，周董最钟意饮珍珠奶茶，开完香港演唱会之后接受访问，都话庆功要队十杯珍珠奶茶，唔通个仔真系连口味都似足老窦？唔少粉丝都笑骂佢太胡闹，连老婆昆凌都忍唔住出声纠正话：“珍贵的奶！”
周董因为热爱甜食而发福唔少，唔少粉丝都叫佢自己肥就算，唔好喂肥埋个仔，粉丝们对周董真系爱之深，责之切。