张建声曾欠20几万卡数赊借度日　哽咽自勉：冇磨练冇今日

现年35岁的张建声 (Justin) 入行 8 年，去年凭网剧《反黑》饰演“招积”一角爆红。成功背后其实满载辛酸的泪与汗，但为了追寻理想，他咬实牙关，结果挨到《反黑》，终于在演技上获得肯定。

日前Justin拍摄信贷广告，借着自己在娱乐圈八年抗战的真实故事，跟一位梦想做演员的素人女生分享经历。之前Justin为演出《壹狱壹世界：高登阔少踎监日记》而增肥 60 磅，之后减肥拍《反黑》，因为造型要几度漂染搞到甩头发，及至去年又再增肥拍《真‧三国无双》饰演张飞，为了演艺工作，可以说是博到尽，但就在他遇上《反黑》之前，竟然霉到尽。

对Justin来说，人生最难挨的时候，是父亲的离世，忆起亡父他即眼泛泪光，“爸爸早几年离开咗，系喺我事业冲刺嘅时候离开。当时我拍紧《壹狱壹世界》要增肥到 200 磅，已经冇收入又要增肥；爸爸当时癌症末期，每个月都要呃住妈咪，又要攞钱返屋企撑住头家……自己又唔生性、冇储钱，结果争落廿几万卡数，好大压力。”回想当日至亲离开又争人周身债，Justin 不禁哽咽说：“𠮶段时间赊借度日，连一百蚊都要问人借，街都冇得去，有时连踢波嘅搭车钱、有冇钱买水饮都要谂埋，一个成年人穷嘅状况去到咁，都真系去到好尽；但𠮶时日日喺屋企睇戏，谂吓点样做好工作，结果我还咗几年先还晒啲卡数，但感恩嘅，冇以前嘅磨练就冇今日嘅自己。”所以不要看轻每一个人生的高高低低，因为每一个高低都成就了今天成功的你。