黄秋生相认同父异母兄长　兴奋直呼：知道消息𠮶刻好似被雷劈咁！

只要活著，每日都会有惊喜！就好似影帝黄秋生又点会谂到自己56岁人都仲可以认返失散多年、成世未见过嘅两个亲阿哥。

是咁的，黄秋生以前曾于个人社交网站上Post出自己仲系襁褓BB时与父母合影的黑白照，并公开寻亲指希望找到生父。其后有媒体BBC发现秋生寻亲一事，邀秋生接受访问，并提供协助。意想不到的事就此发生了！黄秋生远在澳大利亚生活的两位哥哥竟留意到秋生寻亲的事，更认出相中人正正就是已逝的爸爸，于是就此展开了一段令人惊喜嘅相认旅程。

黄秋生4岁被生父遗弃　寻父52年早释怀︰像疤痕般纪录我嘅过去黄秋生甲状腺出事要退休？　病到视线有重影︰当时食药食到傻

终于在上星期2（3月20日），两位同父异母的兄长来到香港与秋生见面，在BBC的节目中，秋生难掩兴奋之色话：“我好开心，心谂点会发生喺我身上㗎？好Amazing、好Impossible、好Miracle，知道消息𠮶刻好似被雷劈咁，你直情系反应唔嚟㗎！我见到佢哋嘅时候唔觉得生外，成件事好似好熟悉咁。通过佢哋我知道好多我爸爸嘅嘢，我亦因此知道点解我嘅行为会系咁样喇。因为呢件事我觉得自己改变咗，好似俾啲嘢唤醒咗咁，发觉原来我都有啲嘢系开心㗎。”

至于秋生两位兄长，则说：“爸爸从来没同我们提过秋生呢位细佬，我哋完全唔知道，或者爸爸觉得话俾我哋知会尴尬，或者佢认为我哋知道后会唔高兴，但我们两兄弟倾咗倾就想嚟香港同秋生见个面，买到机票就马上起程。我哋之前对佢一无所知，喺YouTube揾到佢嘅戏，知道佢系香港知名演员，但无令我哋觉得佢有咩特别唔同。如果爸爸仲在生，发现我哋知道有秋生嘅存在，佢一定会感到安慰，我敢讲我哋一定会一齐啤啤佢。以前唔知道有个弟弟系遗憾，而家就好开心能够揾到对方。”