谢霆锋用加拿大式口音　分享创业三大秘诀

众所周知，谢霆锋除咗演戏唱歌之外，仲精于做生意，喺2003年成立后期制作公司，成绩都唔错，近年仲涉足饮食界，搞锋味控股。日前佢就帮香港贸发局拍摄最新宣传短片，大谈当年成功背后的三大秘诀，仲不时大“晒”带有加拿大口音英文，提醒创业者最紧要有热诚："Can you live with doing that for the rest of your life? Can you?" (你可以一生也做此事吗?)

霆锋的三大成功秘诀包括：“坚持不懈”、“与时并进”、“忠于自己”。关于第一个秘诀“坚持不懈”，佢话坚持唔系一日或七日嘅事，系很长久嘅事，而且唔系一开始就成功：“会有很多高高低低，但每一个高低都会造就今天的你。”

而第二个秘诀“与时并进”，霆锋就话：“现在这个时代比以前变得快很多，很多时候改变嘅事不是你所预期的，会是逆方向去改，but you have to adapt to it(要去适应这些改变)。”

最后霆锋讲到要“忠于自己”，即系做自己钟意嘅嘢：“如果你唔系真系好诚恳对待自己爱嘅𠮶件事，你会挨唔住，Can you live with doing that for the rest of your life? Can you?" (你可以一生也做此事吗?)如果你可以的话，你唔会觉得辛苦，你会享受成个过程。”