《门徒》刘德华颠峰演技大爆发　鱼子酱系要一罐罐咁食先够霸气

寻日刘德华突袭周杰伦演唱会，即席同周董合唱经典国语歌《忘情水》，虽则周董贵为亚洲天王，演唱会一票难求，黄牛飞仲炒高10倍卖成万蚊，但拍埋喺华仔隔离即刻变成小粉丝，仲帮手唱埋和音，可见华仔嘅个人魅力绝对唔惹小。

当然啦，华仔话晒都系网民自推嘅“民间特首”，系个歌影视全能天王，系健力士世界大全拎得最多奖嘅歌手，边有得输啊？前排网民就回带拣港产片5强，入围5套有3套都系华仔主演嘅电影，分别系《暗战》、《无间道》同《门徒》。

网民相当识货，皆因套套都系系金像奖提名之外，首推嘅《门徒》每一幕都系经典，最颠峰嘅食鱼子酱一幕真系谂起都有声。𠮶场系讲华仔带晒一家大细，同埋吴彦祖去高级餐厅食饭，前菜华仔就叫咗鱼子酱食，佢就好识叹咁介绍大家食鱼子酱系要衬香槟咁食，大家碰杯Cheers完之后，主角鱼子酱就出场喇，经理就鱼子酱系要连埋个磅以重量计价钱，但华仔即刻嬲嬲猪拍台中闹：“畀鬼佬睇到以为我唔够钱食添啊，你呢度咁少叫边个食啊？一人一罐！”华仔七情上面，完全系视帝上身，连身边嘅靓靓袁咏仪都Handle唔住场面，梗系啦，大佬一人一罐鱼子酱点食啊？最后一句回马鎗“你当我茂利呀依家？”真系经典过经典，真系好想疯狂睇华仔食鱼子酱啊！