【开心速递】KC要死？ 网民：无KC我仲睇嚟做乜？
撰文： 冼燕珊
出版：更新：
《爱‧回家之开心速递》中几对CP都大受欢迎，当中又以KC同Terry呢一对最得观众心，甚至被网民封为“最强CP”。不过，饰演KC嘅欧瑞伟日前就喺IG Po咗张相，系Terry喺灵堂双手捧住KC张车头相，仲摆出一副喊样，欧瑞伟写道：“#开心速递，284集 (祈求天地放过一对恋人)……别了……”，唔通KC真系要死？
一班粉丝见到呢张相都好大反应，扬言接受唔到KC死：“点解啊！冇KC嘅爱回家仲边系爱回家！”、“Oh no no no ，冇咗KC等于壮士断臂！KC & Terry系爱回家系列嘅吉祥物嚟，缺一不可！”、“冇KC冇Helen我仲睇嚟做乜?”，仲有网民劲入戏咁闹Terry：“舅父乜事？Terry你有冇搞错？有冇好好照顾舅父㗎？”，另外亦有网民编剧上身，开始估剧情发展：“系咪一人分饰两角，KC孖生弟弟CK要返嚟帮大佬KC报仇啊？”、“Terry又排紧戏”。
学网民话斋，KC同Terry舅甥情深，呢对CP系《爱回家》系列嘅吉祥物，由第一、二辑《爱回家》开始，两人已经饰演律师师徒，到第三辑《爱·回家之八时入席》，两人延续上辑，继续延续相爱相杀的师徒情深，基情四射。两人以KC和Terry之名横跨四辑，佢哋嘅感情可以话系无一对《爱回家》CP及得上的，早已深入民心，所以如果编剧真系要“赐死”KC，真系太无天理。