何超莲人靓心地更靓　半夜送药膏打救钟舒漫

赌王千金何超莲出名人靓心地又靓，不仅成日做义工，参与唔同嘅慈善活动，对朋友都一样系咁关怀。话说钟舒漫(Sherman)喺IG Po咗佢只手起咗两个巨大水泡嘅相，佢话因为想煮饭畀爸爸食，所以唔小心畀油溅到，佢担心会留疤，所以就喺IG度问大家有咩方法去印。

之后Sherman再喺IG出Po，骚佢退咗水泡嘅手，虽然仲留有一条长而深色嘅疤痕，但Sherman都面带笑容，仲大赞系超莲打救佢：“夜妈妈咩都冇嘅时候 @laurinda_ho 9. 9秒九send message俾（畀）我话托朋友比（畀）支药膏我查（搽）黎（嚟）救命，so sweet！好彩有佢同埋佢传递药俾（畀）我嘅朋友仔咋！依家乖乖地搽药希望快啲好返！”虽然只系一支药膏，但系当中表现咗超莲对朋友嘅重视，一见到朋友有难，即使半夜都帮Sherman张罗药膏，仲托人拎畀佢，实在很窝心呢！超莲真系人靓人品好。