张景淳亲解留长发原因：哪怕同角色造型有冲突

张景淳四个月前加入《爱‧回家之开心速递》剧组，一身西装造型，但配以长头发加金丝眼镜，但呢期男仔唔系好兴长发㖞，张景淳点解要速流而行呢？原来系有佢嘅原因，“我细个特别钟意日本嘅剧集同音乐，当中好多艺人歌手都留长发，尤其系我最钟意𠮶几个艺人歌手，木村拓哉、福山雅治，江口洋介等等，全部都系长头发。而当中最影响我想成一个歌手嘅就系Beyond嘅家驹同埋张国荣，佢哋都留过长头发，所以留长发呢个信念好根深柢固，令我好想留一次长头发。”

“以前细个虽然喺外国读书，但都系无勇气留到好长好长，虽然已经比一般同学仔长。”张景淳说，读书时无机会留长头发，到毕业回流香港加入TVB，对于发型的自主权更小：“到我入到TVB，好多角色都要剪短头发，甚至乎系要剃光头。”张景淳似乎苦等多年都好似无咩机会将把头发留到好长，但近两年，佢终于不顾一切留长头发，哪怕系同角色造型有冲突，只为完成一个心愿：“我想试一次，留到我觉得满足，到我可以接受，同埋我觉我长头发畀人嘅印象深刻啲。”

的确，张景淳留长头发的造型具有一定嘅标志性，而且好像愈看愈顺眼。其实潮流系一个循环，话唔埋过一排又兴返长发，而呢个潮流又好可能系由张景淳带领，而佢依家只系可能行得太前。