【南方有乔木】陈伟霆挑战高难度角色　剧情简介话：佢桀骜冷峻

就算各位唔知道谁是陈伟霆，但佢“的士舞”、“手指舞”等片段，相信大家都一定睇过。跳舞以外，陈伟霆近年亦喺内地担正多部剧集男主角，其中《活色生香》一剧中嘅惨情戏，佢嘅哭相更被大家捧为热话，成为继佢03年新秀唱跳《Ra-men song》外另一代表作。不过，相信陈伟霆好快会有新嘅代表作面世，事关由佢主演嘅都市感情剧《南方有乔木》，将会喺25日于浙江、江苏卫视播出。

据相关宣传对剧中角色嘅形容，今次陈伟霆嘅内心世界相当复杂、极具挑战性：“在不同阶段有著截然不同的性格，一个是热血飞扬的草根青年时俊青，另一个是冷峻桀骜的酒吧老板时樾。反差的人物设定、错杂的感情纠葛赚足了期待。”

的确，站在“食花生，睇好戏”嘅立场，相信观众都好期待陈伟霆嘅演技大爆发，究竟佢会点样演活“唔敢面对过去、暗哑底始终系自卑，但又要扮晒坚强”嘅时樾呢？嗯，谂起佢喺《活色生香》个埸哭戏，谂谂究竟个角色咁复杂系要玩佢定系考验观众忍笑能力，就会觉得劲期待！

喺大家准备欣赏陈伟霆精湛演出前，先为大家简介一下剧情打个底：嚟自遍远山区嘅血性青年时俊青（陈伟霆饰），加入咗梦寐以求嘅部队，但喺一次行动中因好兄弟常剑雄嘅举动而孭镬退伍。由呢刻起，佢变成桀骜冷峻嘅时樾。

时樾随后认识女主角南乔，并发现女方同自己孭镬退伍一事有关联，于是刻意接近，又不禁动咗真情，同时当年嘅好兄弟常剑雄原来又系情敌，前尘往事、爱恨情仇一触即发。