【影视博览】黄智贤成TVB最多产主角 唔怕剧集变仓底
撰文： 温菁莉
出版：更新：
演艺界的盛事“香港影视博览”今日于会展开幕，TVB亦带领一众台前幕后亮相摊位。出席艺人包括有今年视帝视后王浩信、唐诗咏、陈展鹏、黄翠如、萧正楠及洪永城等，好似台庆咁热闹。当中最多产男演员嘅黄智贤，今年就有《是咁的法官阁下》及《危城first lady》推出，佢笑言，“咁啱啫都系，都要多谢公司同监制，啱用就攞去用。可能有好多故事角色都适合我所以先揾我。”
提到咁多剧集今年推出，怕唔怕自己其中一部剧会变星期日播或者仓底剧，阿ben就话，“《法官阁下》系一个好贴地嘅题材，即使佢放学系边个时段播都唔会有影响。今次嘅内容俾《四个女仔三个bar》更加丰富，呢类律政剧一向都有捧场客。”
阿ben指工作已经排到年尾，更表示明天都会继续到影视博览宣传剧集，“听日会嚟宣传合拍剧《铁探》，系讲一个警队里面内斗嘅故事，演员阵容都好劲。”至于究竟有几劲，阿ben则大卖关子，咁大家要拭目而待啦！