【影视博览】打烂老公杜汶泽奖座 田蕊妮劲内疚：我争啲想爆喊
撰文： 温菁莉
出版：更新：
《香港影视娱乐博览》今早于会展开锣，大家除了关注来年会有甚么电影上映之外，其实电视业都有好多计划。就好似TVB咁，这两天都有多个记者会进行，第一击就是myTV SUPER话咁快就已经踏入两周年，特别邀请到田蕊妮、李施嬅及陈凯琳等人现身支持。
讲到田蕊妮就一定要提到，佢日前唔小心打烂老公杜汶泽在“大阪亚洲电影节”中夺得的“亚洲明星大奖”奖座，她接受《香港01》访问时就直言去到呢一刻都好内疚，之后就“还原”整个事件，“个日拎完奖，我地成班就去烧肉店庆祝，餐厅老板话想拎埋个奖影相，我一拎个下就唔小心跣手。”阿田讲返起件事都好无奈，“我个下系尖叫，成个团队都静晒，我争啲想爆喊。但老公就同我讲唔洗喊，系咁安慰我。团队都有谂过不如叫大会补一个俾佢，但阿泽就话唔洗咁麻烦。”
阿田指返到香港真系有考虑过用强力胶将奖座痴返好佢，但阿泽就拒绝阿田嘅好意，“佢同我讲都系一个回忆嚟，叫我唔好痴。”她笑言之后唔敢再帮阿泽拎啲奖座，以免悲剧又重现。