【热血街舞团】陈伟霆鹿晗王嘉尔斗舞拣卒　宋茜表现佳不让须眉

撰文： 陈栢宇
出版：更新：

内地节目《中国有嘻哈》播出时一度成为热话，更因有料之人MC Jin的亮相而吸引到不少港人收睇，而同一班底打造嘅新节目《热血街舞团》今晚便在爱奇艺播出，反应似乎唔错，一上架就好多人睇。不过，能唔能够成为经典就仍然系未知之数。

虽然感觉到陈伟霆好紧张，其实都跳得好好。（爱奇艺）

《热血街舞团》由陈伟霆、鹿晗、王嘉尔和宋茜四位跳得之人担任“热血召集人”，其中陈伟霆和宋茜选出30位舞者，与同样有30位舞者、鹿晗和王嘉尔带领的战队硬撼。而节目组一开始就安排四位导师先表演，让总共191位顶尖舞者票选最佳战队。

鹿晗跳完就话自己好似跳错舞步。（爱奇艺）

首先表演的陈伟霆就似乎因为太紧张，所以与排舞师Galen Hooks合作跳Contemporary风格舞蹈时就发挥唔到应有水准。之后表演的鹿晗就跳出更复杂的Urban风格舞步，可惜亦系因为紧张关系而争少少。至于王嘉尔虽然受腰痛、腿部抽筋困扰，但仍然跳得好流畅。四人中跳得最好的是宋茜，完全冇畀同佢一齐跳嘅Miguel Zarate比下去，与对方完全同步无论节奏、力度都掌握得恰到好处。正所谓咸鱼青菜各有口味，经过191位舞者记名投票，鹿晗、王嘉尔加起来获得较多票数，令他们可以在点兵环节中早陈伟霆、宋茜团队一个钟入场“拣卒”。

宋茜表现超水准。（爱奇艺）

喺点兵环节中，鹿晗、王嘉尔两个好快就拣走咗1998年赢过中国第一届街舞大赛总决赛排舞冠军嘅冯正，但到佢哋睇完曾经连续几年赢Keep On Dancing世界街舞精英挑战赛Locking组冠军嘅肖杰后，却未立即招揽他入队，冇耐陈伟霆、宋茜就带走咗佢，搞到鹿晗、王嘉尔后悔莫及。

虽然肖杰好劲，但鹿晗、王嘉尔冇第一时间拣佢，搞到畀陈伟霆、宋茜捷足先登。（爱奇艺）
王尔嘉失望到踎低，边个叫你第一时间唔拣。（爱奇艺）

而陈伟霆、宋茜就完全唔同，喺拣人方面豪好多，佢哋一早已经想揾跳Hiphop跳得好出色嘅X-Crew入队，所以入场后就仆住入去揾佢哋，最后仲成队招揽哂添！去到节目尾声，一众观众就惨被吊瘾，因为突然出现一个名为Solo Buff嘅环节，更出现了一个似乎个个都认得嘅面孔，但镜头就完全睇唔到，想睇嘅人真系要等下个礼拜。

陈伟霆一次过要哂X-Crew全队。（爱奇艺）
宋茜话陈伟霆好冲动，不过佢开心就得。（爱奇艺）

精彩截图：

+26