【夕爷讲鬼故】台湾睇楼遇怪事　连地产经纪都嗌走？

昨日词神林夕分享了他对“无形众生”的观点，以及分享了身边朋友的灵异经历。不过讲咗咁耐，深信大家其实最想听到嘅，当然系夕爷嘅亲身经历啦。夕爷笃信佛教，在他口中的怪力乱神，总是带著一种淡然，彷似早对这些“无形众生”见怪不怪。每次讲鬼故也总是短促且冇头冇尾，反而令这些经历的可信性更高。而今天，夕爷终于要谈及他的亲身撞鬼经历。

相关文章：【夕爷讲鬼故】林夕鬼故集重见天日 《似是故人来》唔止系首歌？

有趣的是，夕爷谈及的故事，大多也是发生在台湾：“有一次我喺台湾睇楼，全新冇人住，连装修都未搞掂𠮶种‘清水楼’，连灯都未有，虽然系日头去，但气氛都几恐怖。个地产经纪就sell我同我个朋友，话有一层唔错，因为唔会嘈，对上一层系储水库，夏天可以悭返啲冷气。当时我心想，唔洗环保到咁呀嘛？不过反正唔洗钱就去睇下啦。一行到入去，就已经觉得寒，我哋成日话阴风阵阵，不过有时阴风阵阵系假嘅，因为真系冻呀嘛。不过呢个地方仍在建筑当中，冇冷气冇风扇，但入到去明显觉得阴阴凉凉，同我同行嘅朋友系特殊体质，对灵界特别敏感，我就唔敏感嘅，可以话系迟顿，但我都觉得寒，可能系我个底虚啦，所以一啲都唔出奇。出奇在个地产经纪行行下企咗喺度，而我嘅朋友亦都面色有异，所以我大概都估到发生咩事。而当下我亦充份感受到，有一阵好寒嘅风向我哋吹过嚟，冻到我打冷震，再谂真啲，啱啱𠮶度又冇窗又冇冷气，个气流唔知点形成，于是大家唔敢讲嘢。个地产经纪似乎知道发生咗咩事，唯有好得体咁话‘不如我哋睇下另一间’，而我朋友亦好机警接住话‘当然当然’。离开咗大厦之后，我立刻同我朋友研究，‘头先你系咪感觉到一般空内无可能掀起嘅气流？仲要系好阴𠮶一只’佢就答我‘无错’，其实从大家眼神当中已经略知一二，后来由于呢位朋友嘅特殊体质，佢都病咗一个星期。”