【VR驱魔人】楼南光拍剧呻上当　话王贻兴正“恳”样：小心啲文人

由王贻兴、刘翁（Sunny）自编自导自演的ViuTV新剧《VR驱魔人》今日在九龙湾举行记者会，钱小豪、吴耀汉和楼南光等拍过多套经典恐怖片、僵尸片的演员亦有前来助阵，更逐一介绍自己角色。点样至打动到呢班猛人帮手演出？楼南光接受《香港01》访问时便大讲个中原因，并指自己是“上当”：“系因为王贻兴嘅个人魅力，大家以后真系小心啲文人，唔好上佢哋嘅当！”

楼南光继续笑谓：“王贻兴个样真系好诚恳，讲到你好似做主角咁，到拍都系觉得自己系做紧主角。佢话我、Richard（吴耀汉）同小豪系香港灵幻片嘅基石，所以好想我哋帮手。佢同Sunny都好聪明，好识将以前鬼片嘅场口再包装、致敬，一来可以畀上一辈嘅人重温，二来可以介绍返呢样嘢畀下一代。”

提到好多人都话现在的鬼片不似以前的愈嗒愈有味，楼南光就指现在写故事的人不似以前的黄炳耀、司徒卓汉一样著重情怀：“不过依家都唔兴咁样，依家个节奏快好多。”他又笑指现时的人只找他拍鬼片：“几年前拍《僵尸》以为系最后一次拍呢啲题材，因为觉得冇咩可以继续拍，但依家发现汤同药都可以换，好多元素都可以放落鬼片度，好似依家VR咁。”