沈月想入行？　邱淑贞话大家谂多咗：佢想有私人空间

已经退出娱乐圈多年的邱淑贞 (豆斗) 这晚出席活动时，一身all black打扮美丽如昔，靓样同身材都keep得非常好，她还罕有地接受访问。豆斗透露农历新年期间一家人到了美国LA，老公沈嘉伟的时装集团于当地开店，工作顺道旅游，她笑言：“我哋成家去亲旅行都好大阵仗。”又赞三个囡囡都好乖好听话。问到女儿惊她或是惊爹地多些，她即说：“两个都唔惊，我哋惊佢哋多啲。”

提到豆斗的大女沈月愈大愈靓，似足妈咪，身为妈咪的她就趁机重申女儿真系无意加入娱乐圈：“佢自己都唔想入，希望大家唔好再跟佢影佢，佢有时都会唔开心，觉得影响到日常同学校生活，佢想有私人空间。之前佢都会喺社交网share自己嘅嘢，依家都无喇，唔想畀人跟，佢一直都无话要入行。可能我由细到大有佢讲自己嘅入行经历，我话佢最多做下model好喇，佢都话唔想。都有几间公司想揾佢，但系佢并无兴趣。”