雷庄𠒇去维园花展被外婆叫“马骝仔”　伍乐怡自比小野菊生命力强

今年花卉展览TVB特地派出一班TVB艺员充当模特儿供摄影比赛的参赛者拍摄，雷庄𠒇（Juliette）是其中一位，她接受《香港01》访问时表示，小时候每逢花卉展览都会与婆婆一同赏花，几乎已成了一个习惯。

雷庄𠒇说：“因为我哋住附近，婆婆都会带我嚟维园玩。细个婆婆要一个人照顾我、哥哥同妹妹3个人就有少少惊，所以我就唔会出嚟咁耐。我仲记得婆婆会话我好似马骝仔，因为我细个好好动，会玩𠮶啲健身架、打觔斗。”Juliette说，今年也不例外，婆婆也会一如往常到香港花卉展览赏花。

中国人习惯将女性比喻为花。问到Juliette觉得自己是甚么花时，她就选择了玫瑰花。“玫瑰花可以好高贵，又可以性感，我觉得自己都有呢啲特质。（但系玫瑰花有刺。）即系代表自己有信心，唔会怕批评。我觉得自己个身形同玫瑰花一样咁好。其实最主要都系因为我钟意收玫瑰花，同埋我好钟意闻玫瑰花。”

同场担任模特儿的伍乐怡（Kelly Ng），自去年落选香港小姐之后，就加入了TVB第29期训练班，月底更会毕业正式加入TVB。今次以民初美人造型示人，与其他人相比毫不输蚀。伍乐怡笑言，化妆师更特别的为她戴上假发，前后花了差不多2小时化妆。

伍乐怡表示今次是第一次到“香港花卉展览”，一切感觉都很新鲜。“其实我都系返咗香港2年，都系今年先知年年有花展。多伦多都系草原，其实冇花展。如果要睇花就要去花店先可以见咁多花。细个记得去行年宵，要买银柳装饰屋企。”

问到被网民封为“民选港姐”的伍乐怡会选择用什么花代表自己？她说：“我会拣黄色嘅小野菊。因为我喺加拿大见得最多嘅就系小野菊。佢哋嘅生命力其实好强，唔需要好悉心栽培，喺草原就可以见得到。加拿大到咗开花季节，小野菊其实一开就可以遍满成个绿色草地，变咗个黄色嘅花海。点解我会拣小野菊首先就因为黄色好阳光，望落去感觉好舒服好干净。”伍乐怡呢位“民选港姐”嘅选择真系好唔同。