黑泽明逝世20周年　港人拉队去东京睇海报展朝圣

黑泽明，相信大家即使冇睇过佢执导嘅戏都听过呢个名。虽然佢已经离开咗呢个世界廿年，但影迷对佢拍嘅《罗生门》、《七武士》、《影武者》同《乱》等30出电影都热情未减，甚至好多大导演都参考过佢嘅拍摄手法，包括《星球大战》系列嘅佐治鲁卡斯同香港导演杜琪峰。

最近，东京国立近代美术馆就为咗纪念黑泽明逝世20周年，将于4月17日至9月23日举行特别展览，展示30几个国家、地方嘅黑泽明电影作品海报，而呢个亦系日本国立电影档案馆首次搞嘅展览。有影迷知道咗呢个消息就话一定要去，呢个情况更唔局限于日本影迷，香港直情有人话要拉队去添，温馨提示一下啦，5月18日系日本嘅全国博物馆日，𠮶日睇展览系完全免费嘅。