陈奂仁健身原来为健康　十个月操肌生涯：日日都食薯片

近年个个男艺人都话要操肌，一个二个变晒筋肉男，本身骨感如黄又南早前演唱会都变咗做大只仔。陈奂仁３月１２号上载一段短片，赤膊玩战绳ＳＨＯＷ出一身肌肉，胸肌二头肌三头肌乜都齐，大家熟悉嘅肥嘟嘟Hanjin去咗边呀﹗到底咩事令陈奂仁的起心肝大变身？佢接受香港01访问时透露：“都系听医生话。”

要由肥嘟嘟变到成身肌肉，Hanjin花咗足足十个月时间去健身锻炼，起点源于遇到佢嘅学习对象兼教练：“做身体检查发现内脏脂肪过高，医生话唯一一个方法，去减低皮低脂肪就系做运动。通常人地觉得减肥要做Cardio（有氧运动），但只做Cardio的话，短期内减好多脂肪亦削减肌肉size。人嘅肌肉减少就令消脂能力愈来愈低。所以如果想长期去减脂肪，就一定要加上另外嘅训练。因为我嘅教练以前试过打篮球整亲ACL（前十字韧带断裂），佢觉得操还操最紧要系唔好受伤，如果唔系就无得日日锻炼。”

Hanjin喺访问中多次感谢佢嘅教练Lawrence：“之前试过自己行下做下运动系失败，好在遇到遇到一个好教练Lawrence黄家灏，佢唔系艺人，系三项铁人。”跟住个咁利害嘅教练，操嘅时候会唔会好地狱无啖好食呢？“旧年７月起完全无节食，食嘅嘢无变过仲要食多咗，照食薯片，日日都食，饮可乐饮奶茶。”哗想羡慕死人咩﹗

42岁陈奂仁大变身 可爱胖变身刚猛肌肉男：我都认唔到自己

当然啦十个月当中都有无数次痛苦想放弃嘅时刻，Hanjin亦坦言自己要比其他人付出更多先有今日嘅成绩：“（最难挨系边个位？）痛同无进度啰，特别我系肥底，如果系瘦底好似操到成果，起码睇得出瘦番，但因为我系肥底，所以要俾多一倍付出先得。”