【好Mean】林志玲不老传说终打破？　被指发福走样：对不起

撰文： 洪晓璇
出版：更新：
志玲姐姐去年4月已经试过被网友话佢有发福现象。（微博图片）

“美魔女”一词源自日本，意思指“35岁以上仍然才貌兼备嘅女性，就像女巫般施展魔法使自己看起来年轻美丽”。华人代表当然不得不提林志玲啦，之前更曾经登上英国《每日邮报》，冻龄美貌震惊外国媒体。不过新年过后志玲姐姐再现身，居然被网友指佢肥咗好多，唔通同言承旭有关？

到底边一part会睇得出林志玲已经43岁？(林志玲微博)

林志玲登上英国《每日邮报》 冻龄美貌震惊外国媒体

林志玲3月初终于再现身活动，不过块面同埋手臂真系涨咗少少。（视觉中国）

去年林志玲言承旭惊传世纪复合，虽然两位当事人都叫大家俾啲空间佢地发展，不过一啲外在微妙变化又真系无可避免会被注视。新年前志玲姐姐因为感冒，导致免疫系统失调，宣布全面停工休养，连贺岁片《西游记之女儿国》宣传都全面取消，已经有唔少网友猜测佢系有咗BB要安胎。

唔知系咪因为大病初愈，志玲姐姐对眼电力真系好似跌咗Watt，活动上摄影师影到唔少呢类攰样。（视觉中国）

志玲姐姐早两日终于重出江湖，到上海连续出席两个活动，第一个晚宴被网友见到有个疑似双下巴，到另一个活动志玲就改著一条贴身红裙，尽显S曲线，腹部平坦点睇都唔似有喜，不过唔知系咪因为病咗食得药引致水肿，块面又真系圆咗少少，对眼又攰咗少少，被网友毒舌话：“不老传说终打破！”林志玲其后留言话：“对不起~~我会元气满满不让大家担心的”。病咗佢都唔想架，女艺人认真系唔易做呀，志玲姐姐，加油！好吗！

睇嚟水肿只限于面同手臂，林志玲整体上依旧好S。（视觉中国）
事后林志玲都有更新社交网站，呢句对不起到底系讲紧病咗令人担心，定系肥咗令人失望呢？（林志玲Facebook）
+2