神级编剧重返无线　陈宝华踢走胶剧：想大家觉得港剧仲系好睇！

曾经打造《我本善良》、《十月初五的月光》等经典剧集的神级编剧陈宝华虽然已经离开无线16年，但最近却因高层杜之克、余咏珊的“N顾草芦”而打动，决意回巢以总监制、总编审身份主理新剧《多功能老婆》，为港剧再创新局面。

15年前开始在内地发展的宝华姐坦言杜之克近年一直都有力邀她回港长做：“但我同佢讲我唔会放弃大陆市场，到佢第二次再讲，我直情话你唔好再讲，专心食饭啦！不过，之后我就谂，如果佢同余咏珊唔揾我，我喺港剧嘅句号就系亚视嘅《万家灯火》，我就谂如果我应承佢哋，系咪真系可以为港剧带来新面貌，我系为咗港剧而应承佢哋，因为港剧令我喺大陆傲视同侪，系港剧养大我。”

问是否不满现时港剧质素，宝华姐即答谓：“我唔会，因为唔系一个人造成咁，即系我都唔可能一个人搞到咁大坛嘢，亦都唔可能一个人搞垮呢行，所以士气系好紧要。（想用呢套剧带起龙头作用？）我冇咁叻，我只系想大家觉得港剧仲系好睇。”又指自己今次是做“喜欢做”和“值得做”的事。

提到女主角人选一直保密，直至今日才在会上公布由金像影后杨千嬅饰演，宝华姐就话千嬅够贴地，所以是最佳人选：“笑容亲切之余仲笑得好真心，个性又好直，同我本身有啲似。多谢余咏珊缀合，当初我都唔敢谂系佢，天后㖞，本身又冇合作过冇交情，系余咏珊话如果佢揾到千嬅，系咪会返无线，我话佢真系揾到先讲，点知佢真系揾到。”至于之前一直有传邓萃雯会做新剧女一，宝华姐就指完成《多功能老婆》后，无线或会找她和雯女再开新剧。