甄子丹《叶问4》打到去美国 唔排除同云狄素史泰龙单打独斗？
撰文： 陈栢宇
出版：更新：
“宇宙最强”甄子丹最近一如以往忙到爆炸，虽然他现时正在内地赶拍新戏《肥龙过江》，但今日中午都抽时间到跑马地马场，出席《2018宝马香港打吡大赛获选参赛马匹名单公布会》。连续六年担任“宝马香港打吡大使”的丹爷在会上就指自己好期待此盛事：“上年我喺场边叫到声都沙，今年再嗌得大声啲！”期间老婆汪诗诗亦在萤幕上惊喜亮相，更问老公如果赢得打吡会有咩心情同表情，丹爷即Cute爆拎起奖杯扎实个马隔空整个劲Happy表情畀老婆睇，又笑谓：“如果我赢咗一定Keep住个奖杯，因为之前一直赢过嘅嘢都畀哂老婆，佢系我CEO。”
提到爱驹“宇宙车神”现在五岁，无缘出战限四岁马的打吡赛，问有否谂过买多只马准备下年问鼎殊荣，丹爷直认：“有谂过㗎！但有时间先，都系我同蔡加赞夹，交畀佢决定。（改名宇宙乜乜？）买咗先谂啦，叫宇宙乜乜都系因为顺口啫。”
拍完《肥龙过江》之后，丹爷便随即埋首为《叶问》系列第四辑开工，更到美国取景与“李小龙”会面，问打遍天下无敌手是否已经拣定对手，是否有机会揾老友云迪素同史泰龙演出？曾与前拳王泰臣只揪的他就指未定：“虽然我都系监制，但我同时都监制几套戏，所以创作上我交哂畀导演叶伟信，要睇剧情系点，先再谂咩Casting。”
讲到他次次最后都赢，会不会赢到闷，感觉到无敌是最寂寞？他即答得好妙：“呢几年我都唔谂打方面喇，因为都建立咗个Branding，团队都好有水准，总之就一定打得好睇，反而我依家系着眼于个题材同角色上。”