【果栏中的江湖大嫂】终于等到冯盈盈出场：希望大家唔会兼弃我！

《果栏中的江湖大嫂》经过漫长嘅等待，终于有得睇啦！剧集首播2集网上反应都尚算不错，不少网民都大赞香香公主（岑丽香）同炜哥（陈炜）表现出色。呢排剧中各个演员都落力出post宣传，其中要数最落力宣传嘅，就紧系首次担正做女主角嘅冯盈盈啦。昨日冯盈盈仲喺个人社交平台出post，预计自己会喺《果栏中的江湖大嫂》第2集出场添。网民知道冯盈盈出场，仲个个都话留喺等睇添。

不过点解睇晒成晚都唔见人嘅？原来系冯盈盈摆咗乌龙。冯盈盈接受《香港01》访问：“我真系好冇经验，唔知会因为剪接关系影响出场时间。因为剧本写我系第2集最尾出场，所以我就以为实冇死我喺第2集出场。”不过睇返facebook留言，就有网民话俾冯盈盈呃咗，要罢睇《果栏中的江湖大嫂》。冯盈盈回复时就话：“我谂去到星期５之前我应该就会出场，所以大家一定要keep住睇，keep住睇先知我几时出场㗎嘛。好感激大家咁期待我出场，小女子都好感动。请大家俾多次机会我，我应该系今晚架啦。”

面对网民的支持，冯盈盈说：“小女子开心之余，仲有啲受宠若惊，同时亦都好担心期待越大失望越大。我希望大家期待我出场之余，出咗场之后都唔会兼弃我。”