李升基《和游记》抄网络小说《爱游记》？　接受唔到无业界道德

tvN人气韩剧《和游记》上星期六、日已经播出大结局，虽然三藏吴涟序被姜大成（宋钟镐饰）用刀刺死，但齐天大圣孙悟空李升基就畀咗自己一只金晴火眼吴涟序，等吴涟序再转世投胎做人都可以揾返佢。虽然《和游记》最尾就讲到李升基忍唔住都系要去冥界揾吴涟序，但就无咗交代两人嘅后续。

今日网络小说《爱游记》作者郑恩淑（音译）大爆《和游记》编剧洪氏姊妹涉及抄袭疑云。郑恩淑今日喺自己网站上传有关《爱游记》同《和游记》嘅相似之处，更指“据我所知，喺我哋国家嘅著作权法上，特定嘅指纹或台词并唔一致嘅话好难被视为抄袭。但就算系咁就可以随便搬字过字，当成自己嘅作品咩？虽然唔知可唔可以避开法网，但对于作家嘅自尊心、业界嘅道德等等，都唔可以咁做。”

据知《爱游记》喺2015年刊登嘅网络小说，三藏系女人、孙悟空、猪八戒、沙悟净系韩国嘅妖精偶像，后来三藏转世同孙悟空相爱。《爱游记》同《和游记》嘅男主人公都系唔啱心意嘅话，就连女人都会打埋一份。仲有《爱游记》中都有妖精经理人公司社长登场，而喺《和游记》当中就由车胜元出任牛魔王一角，望理Lucifer经理人公司等，两者都有相似共同点。不过《和游记》编剧洪氏姊妹就否认指控，更称从未听过《爱游记》呢部网络小说，剧迷们又点睇呢？

更多图片

《和游记》大结局李升基解除金刚圈　同吴涟序走向Happy Ending？

下载《香港01》App，更多韩星靓相、影片率先睇！

http://bit.ly/HK01_App

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/