《无限挑战》刘在锡Haha下车 成Running Man金钟国宋智孝翻版？
MBC长寿综艺节目《无限挑战》至今已经播出500多集，将近13年时间一直陪住热爱《无限挑战》嘅观众，就连今年年头《无限挑战》都有喺香港尖沙咀K11开pop-up store添！早前就已经传出《无限挑战》灵魂人物金泰浩PD会喺《无限挑战》下车，寻日（5号）仲爆出刘在锡、Haha、朴明洙、郑埻夏等骨灰级主持都将从《无限挑战》下车，另用新人！
而即将接任金泰浩PD嘅崔行浩PD表示有意揾新任主持成员，近日都已经开始接触心仪人选，而内部人士亦有透露“制作单位正跟艺人讨论行程、提案以及开会当中，为咗迎接新成员都好积极行动中。”睇嚟揾角一事崔行浩PD势在必行！
但系消息传开之外就引嚟韩国民众相当反感，纷纷留言表示：“咁样有意义咩？不如好好地完结《无限挑战》，重新再开过一个节目啦！”、“无刘在锡嘅《无挑》...谂下都觉得好尴尬。”事实上刘在锡系唯一一个由《无限挑战》2005年4月23日开播至今仍有主持嘅成员，开国功臣都要下车，实在令人不敢想像。当初《无限挑战》一众成员送ZE:A（帝国之子）成员光熙入伍时，仲讲过会等佢返嚟，睇嚟光熙退伍时，《无限挑战》已经物是人非了。
另外《无限挑战》功臣下车一幕，不禁令人想起SBS王牌综艺节目《Running Man》中金钟国同宋智孝版下车一幕！当时金钟国同宋智孝喺事前都唔知道自己会被下车，只系知道节目要改制，喺完全无商量过嘅情况下被下车，除咗吓坏当事人之外，都令一众《Running Man》迷好嬲啊！唔知《无限挑战》元老要被换血，刘在锡、Haha、朴明洙、郑埻夏等人又知唔知呢？
更多图片
请回答1997！Apink恩地晒扁咀相 睇完H.O.T《无限挑战》感动到喊
下载《香港01》App，更多韩星靓相、影片率先睇！
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/