【果栏中的江湖大嫂】黄浩然15吋麒麟臂劲抢：食好多高蛋白质食物
撰文： 陈栢宇
出版：更新：
相信每一个港女都钟意睇靓仔，如果再加埋“大只”呢个属性，应该没有边几个会顶得住唔出心心眼。爆肌靓佬黄浩然虽然在之前播完的无线剧《平安谷之诡谷传说》中着得密密实实甚少骚Quali，但他在日前首播的新剧《果栏中的江湖大嫂》中便本利归还，以鸡翼袖骚出麒麟臂明益一班女街坊，连仔都忍唔住望几眼，想知点样先操得一身好Body。
谦称自己不算大只的浩然向《香港01》公开打造其至尊级麒麟臂的秘密：“其实一直都有玩开健身，所以都有个底喺度，咁啱拍《果栏》前都喺大陆拍剧，就带哂啲哑铃上去操，如果冇时间都会每日做够二三百下掌上压，亦都有啲系做三头肌嘅手臂运动。”
问浩然的巨臂在拍摄《果栏》时的有否15吋？他没有透露，仅指当时每逢空闲时间都会用健身橡筋等谷大个强劲臂弯：“其实我都要食补充剂，因为我啲肌肉好易缩，要靠呢啲蛋白质等自己唔够瞓都唔会缩得太犀利，当然平时都要食好多高蛋白质嘅嘢，好似鸡胸同蛋白咁。”
提到他剧中搬货时谷出钢筋咁粗的青筋，他即笑谓：“其实𠮶啲系吉箱嚟，为咗似返啲用劳力揾食嘅人嘅质感，大部分演员一有时间都系咁做掌上压泵胀对手臂。”一班大只佬喺街边劲做Push-up？净系想像一下都谂到个情景有几蔚为奇观。