姜成勋@水晶男孩再卷入诈骗1.4亿韩圜 人红是非多以为有高收入？
透过《无限挑战－六六歌3》重组嘅水晶男孩成员姜成勋，近日又再卷入欺诈骗案，涉嫌向K友人骗取1亿4千万韩圜（约HKD$ 1,017,730）。据知事件起源为2011年姜成勋因日本演出告吹，称需要用代替收益嘅费用就向K友人前后借取总共1亿4220万韩元（约HKD$ 1,033,670），而K友人分别将钱传入姜成勋以及姜成勋友人嘅帐户，K友人指姜成勋收钱后就失联，并无偿还债务。而一直向姜成勋追还款项嘅K友人只获得“钱又唔系入落我户口，系入畀N友人，点解要我还？”所以K友人最终向姜成勋提告。
其实姜成勋被告已经唔系第1次，2013年9月同样因为涉嫌诈骗被判缓刑处理，当时案件系涉嫌于2009年到2010年1月向3位熟人借钱约10亿多韩圜未有偿还，2015年因涉嫌诈骗被放款人D某起诉，当时法院判处姜成勋无嫌疑，调查过程中姜成勋还曾向D某提起了7亿4000多万韩圜（约HKD$ 5,385,380）的返还不当款项的诉讼。
而今日姜成勋前所属经理人公司金代表表示“姜成勋涉嫌欺诈一事系被冤枉”，又指本次事件同姜成勋喺2015年被判无嫌疑一事件系一脉相承，实际上姜成勋被判无嫌疑。而2010年事件当中金代表称姜成勋已经将部分钱还畀N友人，但N友人无还钱畀K友人，潜水嘅系N友人先啱，对于报道写成姜成勋唔还钱感到好遗憾。
另外金代表仲表示“自姜成勋演出《无限挑战》后就以水晶男孩身份活动，好多人都预计姜成勋有庞大收益，但事实上并不如此，因为债权人扣押咗姜成勋喺YG Entertainment嘅薪金，所以姜成勋嘅收益并唔多。好遗憾因为呢件事姜成勋再次卷入是非当中，令他本人同家人都遭受伤害。”
更多图片
【回到1997】H.O.T水晶男孩全盛时代 20年后回归依然超人气
下载《香港01》App，更多韩星靓相、影片率先睇！
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/