【兄弟‧多图】江嘉敏怒掴王浩信　打到佢面红：掴到连我都有内疚

《兄弟》一剧昨晚终于完成最后一个镜头拍摄，一众演员于更齐聚一堂食“收工饭”。不过江嘉敏就比原定时间迟了几分钟，原来她是拍完《兄弟》最后一个镜头再赶过来。江嘉敏：“哈哈，第一个镜头系我，最后一个镜头又系我。”

江嘉敏接受《香港01》访问时，谈及一些拍剧时趣事。“我拍呢套戏，我做得最多嘅唔系打，而系反．白．眼。因为啲人成日话：哗，妳咁细粒点解做人保镳嘅？然后我就会（反白眼）。所以我宜家反白眼好叻㗎喇，哈哈。”原来江嘉敏在剧中饰演保安（Sitting），后来受到王浩信饰演的张非凡赏识而“晋升”为保镳。江嘉敏更称拍剧时，王浩信经常与她开玩笑。“佢（王浩信）成日都咁笑我：吓，妳咁粒，挡到下半身又挡唔到上半身子弹㖞。”

【兄弟】成班男人结伴菲国开工好鬼MAN 陈志健：成个气氛都好好

【兄弟】杜燕歌又系客串出场 配音王澳大利亚开过酒楼老婆系韩马利

其实江嘉敏在剧中与王浩信也有不少戏份，其中更有段“似是而非”的感情线。身型细细粒的江嘉敏，剧中更要在擂台上被王浩信“坚打”廿几拳。不过江嘉敏也说在之后剧集拍摄亦“报了仇”。“有一幕讲佢（王浩信）喺病床晕咗好耐，咁我就要掴醒佢。我系掴咗佢好多下。本来头3，4个take我有留力，但系佢话好唔似。后尾我见到王浩信块面有啲红，我反而内疚。同埋因为佢要扮晕，我掴嘅时候其实感觉到佢有少少郁一郁。拍完之后佢块面系红晒，因为我真系冇留力。”真系听者伤心，闻者流泪。不过，原来网民帮王浩信改“兜巴信”呢个名真系冇错。