【3日2夜】李旻芳主持惹负评 意见全收：节目前提自己唔好咁兴奋
撰文： 林迅景
出版：更新：
《3日2夜》一直都是TVB其中一个王牌旅游节目，睇风景之余又可以睇靓女，不少网民更非常有恒心地密密cap图。虽然集集主持都受到网民追捧，不过去年《3日2夜》日本篇的李旻芳就罕有地被网友负评。
李旻芳出席美容院代言活动时，就透露了自己将有机会于下一季《3日2夜》登场。“下一辑《3日2夜》有机会派我去泰国。不过就仲倾紧时间同日子就唔就到，因为最近仲忙紧《生活100趣》。”关于网民的负评，李旻芳就话有睇过之前篇报导和看毕网民评语。李旻芳解释：“我自己后尾听返，其实我都有啲觉。因为我一开心嘅时候就会好高音，个表情又会夸张。我个人又会容易high嘅，哈哈。high咗之后就会控制唔到自己啰。”
李旻芳：“我之后出镜或者做节目，都会刻意将自己把声调返低，唔好咁兴𡚒。希望唔会咁刺耳啰。其实每次roll机之前，我都会同自己讲一次：讲嘢唔好咁高音。同埋我都有请教过旦哥（郑丹瑞）同埋六号（陆浩明）佢哋点样练自己把声。不过全部都系答我：你有经验就得。”睇嚟网民声音真系传到俾李旻芳㖞。而佢又系会改善，李旻芳仲话希望各位多啲提点佢添。