【名模secret】模特儿为行巴黎时装骚用尽方法瘦　食药扣喉好普遍

大家一听到模特儿呢个term一定会想到既高佻又纤瘦的身材，瘦仿佛已成了模特儿的代名词，尤其是行国际时装骚的model，瘦更加是必须的，节食减肥是例行公事。年前《Vogue》澳大利亚版前总编辑克Kirstie Clements就曾经出书爆料，指有模特儿为keep住激瘦身材，只吃厕纸充饥。本地名模伍静丽 (Angie) 入行多年，亦曾到过巴黎行国际时装骚，当然也见过不少model为了瘦而用尽各种方法，她说：“我真系见过有model食厕纸饮可乐当一餐，因为厕纸吸收咗可乐会发胀，咁就可以有饱肚感觉。”

模特儿想在巴黎行骚就要达致所谓Paris thin标准，为此她们都不惜挨饿来令自己变得更加纤瘦，不够瘦绝对不会有机会被大品牌选中，故会出现大批瘦到好似患有厌食症咁样的model。Angie指出虽然近年这股风气有所改善，但情况依然严重，她说：“好多时装设计师都钟意用超细码model，认为骨感啲着衫会靓啲，而佢哋啲casting拣model，好多都系一嚟就量度个pat pat围，如果唔够瘦即刻会被淘汰，你唔会知个要求系要有几瘦，啲设计师唔会讲你知，所以你只有令自己有咁瘦得咁瘦嚟争取被取录行骚嘅机会。”

Angie虽然无夸张到食厕纸来keep瘦，但她都试过用一些极不健康的方法：“除咗成日挨饿，亦食过减肥药、泻药同埋扣喉。食惊会食到手软脚软无晒力，又会好抑郁，好唔开心，扣喉直情变成一种强迫症，只要一食嘢就会即刻想扣喉。𠮶段时期情绪好低落，仲要睇心理医生接受辅导，好彩有屋企人嘅支持，自己亦都谂通咗。依家我只会靠健康饮食同做运动去保持身材。”