《周游东京》周奕玮亲身体验日式Speed dating　成功拎到女仔电话

撰文： 冼燕珊
出版：更新：

嚟到第五集《周游东京》，周奕玮(Jarvis)就带大家去识女仔，原来Jarvis系一名怕丑仔，去识女仔之前非常紧张，仲大叫：“我唔good at 识女仔!”唔知大家听到呢句会唔会有共鸣呢？

Jarvis话自己“唔good at 识女仔”，非常怕丑。(影片截图)

Jarvis今集介绍嘅呢间居酒屋，系日本一间连所式居酒屋，叫做相席屋，其实相席日文嘅意思即是“搭台”嘅文化，呢间相席屋啱晒单身男女，因为佢会安排异性客人坐埋一齐，女仔免费入场，而男士入场，首30分钟任饮任食，都只系JPY1500-JPY1800（约HKD105-HKD126），每延长10分钟，就收JPY500-JPY600(约HKD35-HKD42)。客人坐低之前，会先填写一些择偶条件，店员会根据呢啲条件去安排配对，可以算系其中一种Speed dating，如果倾倾吓觉得唔ok，可以行去后场厕所位，𠮶度放咗啲卡，提出换位要求，店员就会作出相应嘅安排。

相席即是“搭台”的意思。(影片截图)

阿Jar接受《香港01》访问时，笑言上述情况类似“弹钟”。佢回想当日入到居酒屋，全场坐满七八成女仔，当时因为时间尚早，未有咁多男仔客，难忘佢同摄影师入到居酒屋𠮶下嘅震撼：“我系第一次觉得自己好似猎物一样，全场嘅女仔由我哋入到去开始一路望到我哋行到去拍摄嘅位，𠮶种注视嘅力量原来系咁大。”

Jarvis话当日入到居酒屋，被全场女仔注视，非常难忘。（影片截图）

Jarvis话佢本身真系好怕丑，不过从节目上都见佢好努力尝试同两位日本女仔互动，仲成功拎到Contact添！所以各位单身男女都可以试吓去帮衬，可能真系有机会“出Pool”成功！

【周游东京】周奕玮推介CP值超高放题 山泥倾潟式海赡寿司劲正