王嘉尔鹿晗中分头复兴　郭富城28年前已经玩到出神入化

撰文： 冼燕珊
出版：更新：

“潮流系一个循环”，呢句嘢无错㗎！前排大家先惊人发现蔡少芬24年前嘅空气浏海，近年由韩国复兴，仲带起个潮流吹返嚟香港，其实唔只空气浏海，当年爆红嘅“郭富城中分头”，今时今日，又兴返。

郭富城当年呢个中分头，个个都争相仿傚。（网络图片）

有网友于讨论区开帖，指依家啲韩星中分头，系抄郭富城刚出道嘅发型，当年呢个发型真系深入民心，仲有个专称─“郭富城头”，真系非常有代表性，几乎个个男仔都剪呢个中分头，其他艺人都纷纷仿傚，包括刘德华、林志颖、古天乐等，连台湾嘅民众都深受影响，罗志祥（小猪）当年就系以“郭富城头”参加四大天王模仿大赛出道，睇返网上啲相，周杰伦细个都剪过呢个头，不过就好似唔系好衬当年嘅佢。

罗志祥当年模仿郭富城入行。（微博图片）
周杰伦细个都剪过中分头，不过就唔系好衬佢。(网络图片)

估唔到呢个头依家又喺内地同韩国兴返，除咗呢期曝光率极高的王嘉尔同鹿晗，其他韩星包括李钟硕、李敏镐、朴叙俊，仲有刚入伍的G-Dragon都有剪过中分头，还原返廿几年前嘅经典“郭富城头”，掀起一阵中分热潮，呢阵风又渐渐咁吹返嚟香港，呢排都多咗香港嘅男仔剪呢个头，不过大家唔好忘记，呢个头系郭富城带起先㗎！

新一代小鲜肉代表王嘉尔, 都剪中分头。(视觉中国)
鹿晗还原城城当年个头。（微博图片）

蔡少芬放返20岁时啲相上网 网民惊呼：佢个空气浏海靓过晒啲韩星