《与神同行》原作者爆：月值使者金香起本来系IU　换角竟然因为？

电影《与神同行》大受香港同韩国观众欢迎，唔少影迷睇完《与神同行》第一部已经话好想睇《与神同行：最终审判》！当然《与神同行：最终审判》电影制作组已经确定今年暑假就会上映，影迷唔使太过心急！因为《与神同行》1、2部都系同期拍摄完成，大家想睇大只佬马东石（又译：马东锡）、型爆河政宇、翻生长腿oppa朱智勋、以及可爱“00后”金香起等人嘅演出，等多几个月就有得睇喇！不过记者最想睇都系《与神同行：最终审判》会有几多红星友情出演呢？

早前《与神同行》原著漫画家周浩旻喺韩国节目中提到，由金香起饰演月值使者“李德春”一角，原本系决定由Kpop女歌手IU做㗎！周浩旻话电影《与神同行》由2013年已经开始筹备，当时IU先20岁正好适合做李德春一角，不过随住时间推移，IU都已经长大成人，所以因为年纪问题IU就被out出亿万票房电影《与神同行》，而由年纪更轻嘅金香起顶上喇！

而金香起接拍《与神同行》后，敬业嘅金香起更一口气睇晒《与神同行》漫画，又喺好短时间内消化好李德春呢个角色。而周浩旻亦表示，当佢睇到金香起剪咗《与神同行》漫画入面李德春嘅发型后，觉得同原著真系太过神似，感觉非常之好，喺睇到成品之后更好满意添！虽然IU失落《与神同行》月值使者李德春一角，不过如果周浩旻可以喺《与神同行：最终审判》入面加插一个小角色畀IU嘅话，就可以满足晒周浩旻、Uaena（又称：U-ana）（IU粉丝）以及IU嘅小愿望喇！

《与神同行》 吴达庶被爆曾性侵女演员　受害人：佢伸手入我条裤

下载《香港01》App，更多韩星靓相、影片率先睇！

http://bit.ly/HK01_App

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/