【预算案】送海洋公园飞有冇用？　靓妈赵颂茹：希望个个都有

相信今日的社会焦点，必定是财爷陈茂波发表的新一季财政预算案。市民最留意嘅就一定自己有无受惠，其中一项就是未来数年会合共拨款3.1亿元支持海洋公园发展教育旅游项目，并在未来一年向本地中小学生提供1万张免费入场券。好多市民都好关注究竟呢一万张点样分呢？记者就访问了有两名分别7岁同4岁的囡囡赵颂茹(阿yu)对于今次预算案的看法，“作为家长，我会谂政府会唔会有其他嘢俾返大部分嘅学生，而个个都可以用到嘅，政府都不如俾多啲资源俾其他学生。”

相关文章：

【预算案】港姐冠军季都未交过税　亚军何依婷：派钱帮助唔系好大

【预算案】夏雨囝囝黄奕晨赞成派糖畀基层：无谓大家揽炒

其实香港点会只有1万名中小学生，有网友指出现时中小学生人数（小学生人数：349 008  中学生人数：338 152/2016-2017），即系要70万人去抢1万张飞。网友们均认为实政府一系唔好派，一系就派到尽。阿yu表示知道有好多基层家庭未必有咁多预算带小朋友去乐园玩，“我知道对佢地系好嘅，但唔知呢一万名包唔包括我地。但如果政府可以再俾多少少，个个都有用到，咁大家都开心。”

她其后亦指对两名囡囡的要求都尽量满足，“其实带佢地去乐园嘅次数真系唔多，可能隔一两年先会去一次。”阿yu指香港成长的小朋友假期唔系好多，“我嘅管教方式假期就唔一定只去乐园玩，都会去下其他地方。”