一人一句听过最mean嘅说话 Donald：哗，佢真人都几高吖！
撰文： 温菁莉
出版：更新：
农历新年期间大家一定听了不少好意头的祝贺说话，I Love You Boyz成员Donald同少爷占就最钟意听到人祝他们身体健康，虽然老土但真系最紧要。近排好说话就听得多，不过平时日常生活中总会试过听到一些难听的说话，令人特别难受，有网民就热烈讨论人生至今听过最mean的一句说话，Donald同少爷占当然都有听过啦。
Donald想也不想就说：“哗，佢真人都几高吖！呢句说话完全系击中我要害，好hurt。我曾经有一段时间好介意自己嘅身高，有去过欧洲揾方法增高，无奈都系无办法。不过依家有啲app影相可以增高，亦有朋友话我高唔好睇，令我有返晒自信。”而少爷占就话：“喺街撞到人同我影完相之后，佢问隔篱个fd影唔影，对方话‘唔影’，成日都遇到呢啲情况啰。其实唔好问啦，唔好制造尴尬情况吖嘛。人哋要影自己会出声。”
相关文章：
提到惊蛰将至，两人会否去请人打小人，Donald说：“唔会，我去打小人咪自己都系小人？小人呢啲嘢避唔到嘅，打完小人佢咪又系喺度。”少爷占即望住Donald笑言：“我身边都有一个小人啦，都十几廿年喇。”他亦指自己唔会揾人打小人：“鹅颈桥泊车难，我又惊打小人系海鲜价，搞咁多嘢不如直接揾人打佢好过啦。”